برازیل کے شہر ساؤپولو کے ساحلوں سے تقریباً 93میل دور IIha da Queimada Granda نام کا ایک جزیرہ ہے جسے ’’سانپوں کا جزیرہ‘‘ بھی کہا جاتا ہے۔

 اس جزیرے کو یہ نام دینے کی وجہ یہ بتائی جاتی ہے کہ یہاں ریسرچرز کے اندازے کے مطابق ہر ایک مربع فٹ جگہ پر مختلف اقسام کے ایک سے پانچ سانپ پائے جاتے ہیں۔ 

کہا جاتا ہے کہ یہاں انتہائی زہریلے ایسے چار ہزار افعی بھی موجود ہیں جن کا ڈسا پانی بھی نہیں مانگ سکتا۔ سنہرے رنگ کے ان سانپوں کو ’’گولڈن لانس ہیڈ‘‘ (Golden Lancehead) یا Bothrops Insularisبھی کہتے ہیں۔

سب سے گہرے سمندر میں سب سے گہری کھائی کہاں؟

جاپان کے قریب مغربی بحرالکاہل میں جزائر ماریانا سے تقریباً 200 کلومیٹر مشرق میں...

 اگر کسی انسان یا جانور کو یہ سانپ ڈس لیں تو اس کے مہلک زہر کی وجہ سے متاثرہ مقام کا گوشت فوری طور پر گلنا شروع ہوجاتا ہے۔

 برازیل کا یہ جزیرہ اگرچہ سیاحوں کیلئے بہت پُرکشش ہوسکتا ہے کیونکہ یہاں کا موسم گرم، ماحول ہر قسم کی آلودگی سے پاک ہے۔

دنیا کی سب سے زیادہ آسیب زدہ جگہ کونسی؟

شمالی اٹلی میں وینس اور لیڈو شہر کے درمیان ایک چھوٹا سا جزیرہ ’’پوویگلیا‘‘...

 پتھریلے پہاڑ پر ہر طرف ہرے بھرے جنگلات اور خودرو پیڑ پودے موجود ہیں لیکن ان زہریلے سانپوں کی آماجگاہ کی وجہ سے برازیل کی فوج یا حکومت کی خصوصی اجازت کے بغیر کوئی بھی اس جزیرے پر قدم نہیں رکھ سکتا۔ 

اگر کوئی اس کی جرأت کرے تو اسے گرفتار کرلیا جاتا ہے۔ اس لیے اگر آپ کو سانپوں کے اس جزیرے تک آنے کی اجازت نہیں ہے تو یہ آپ ہی کے حق میں بہتر ہے۔