پاکستانی معروف گلوکار علی سیٹھی کی قریبی دوست ومصور سلمان طور کے ساتھ شادی کی تہلکہ خیز خبر نے گلوکار کے مداحوں کو دھچکہ اور سوشل میڈیا صارفین کو میمز بنانے کا مواد دے دیا۔

اس حیران کن خبر کے ساتھ علی سیٹھی پاکستان کی وہ پہلی نامور شخصیت ہونگے جو اس قسم کی غیر شرعی شادی کے بندھن میں بندھے ہیں، لیکن تاحال انہوں نے اس حوالے سے کوئی تصدیق نہیں کی ہے۔

علی سیٹھی اور سلمان طور کی شادی کی خبر نے تہلکہ مچا دیا

یہی جرم ہر بار کرتا ہوں، آدمی ہوں آدمی سے پیار کرتا ہوں ؟

علی سیٹھی کی شادی کے حوالے سے چاہے کوئی بیان سامنے نہ آیا ہو لیکن سوشل میڈیا صارفین اس انوکھی شادی پر شدید کشمکش کا شکار ہوچکے ہیں اور اس شادی پر متعدد بنیادی سوال کھڑے کرتے دکھ رہے ہیں۔

پاکستانی عوام کو شادی پر ایک پریشانی لاحق ہوچکی ہے، ان کا موقف ہے کہ ہمارے ہاں عام و جائز شادی میں معاملات اس قدر الجھے ہوئے ہوتے ہیں تو اس انوکھی شادی پر رسومات کا مسئلہ کیسے حال ہوا ہوگا ؟ 

سماجی رابطے کی ویب سائٹ ٹوئٹر پر یہ اس شادی پر تبصرہ کرتے ہوئے ایک صارف نے پوچھا کہ ’علی سیٹھی اور سلمان طور کی شادی میں جہیز کس نے دیا ہوگا ؟ ‘

ایک اور صارف نے اپنی پریشانی کا اظہار کرتے ہوئے دریافت کیا کہ ’ بارات علی سیٹھی لے کے گیا تھا یا سلمان طور ؟ ‘ 

جبکہ ایک صارف علی سیٹھی کے والد نجم سیٹی کو انوکھی شادی کی مبارک باد دیتے ہوئے ’’کا اور کی‘‘ ، کی کشمکش میں پھنس گئے اور  لکھا کہ ’ مبارک ہو، نجم سیٹھی بہو لے آئے، اب یہ نجم سیٹھی ’’کا‘‘ بہو ہے یا ’’کی‘‘ بہو ہے، اس کا کچھ نہیں پتا‘۔

واضح رہے کہ پاکستان میں رائج اسلامی قوانین میں ہم جنس پرست شادی کی ہرگز اجازت نہیں ہے بلکہ یہ ایک ایسا گناہ ہے جس کی پکڑ بھی بے حد سخت ہے، اسی سبب پاکستانی عوام کی جانب سے اس شادی پر شدید برہمی کا اظہار کیا جارہا ہے۔