بھارتی آل راؤنڈر ہارک پانڈیا کو ورلڈکپ میں عمدہ پرفارمنس کے بعد مختصر فارمیٹ میں ٹاپ آل راؤنڈر کی پوزیشن حاصل کرلی۔

پہلی بار آئی سی سی ٹی ٹوئنٹی رینکنگ میں کسی بھارتی آل راؤنڈر نے نمبر ون پوزیشن پر قبضہ جمایا ہے۔

ہاردک پانڈیا کی ٹی ٹوئنٹی ورلڈکپ میں بیٹ اور بال کے ساتھ مسلسل عمدہ پرفارمنس نے انھیں عالمی رینکنگ میں نمبر ون آل راؤنڈر کا حقدار بنایا۔

ہاردک پانڈیا کے آخری اوور نے بھارت کو ورلڈکپ جتوا دیا

ہاردک پانڈیا ہیرو قرار۔

بھارت کے T20 ورلڈ کپ جیتنے کے بعد ہاردک پانڈیا نے اپنے کیرئیر میں ایک اور سنگ میل عبور کیا ہے، وہ بدھ کو جاری ہونے والی رینکنگ کے بعد دنیا کے نئے نمبر ون ٹی ٹوئنٹی آل راؤنڈر بن گئے ہیں۔

ہاردک پانڈیا نے ٹی ٹوئنٹی ورلڈکپ ٹورنامنٹ میں 144 رنز بنائے تھے جبکہ 11 وکٹیں حاصل کی تھیں، وہ آئی سی سی رینکنگ میں یہ پوزیشن حاصل کرنے والے پہلے بھارتی آل راؤنڈر ہیں۔

بھارتی کرکٹر نے جنوبی افریقہ کے خلاف ٹی ٹوئنٹی ورلڈکپ فائنل میں بھی اہم کردار ادا ادا کیا تھا اور 20 رنز دے کر 3 وکٹیں اپنے نام کی تھیں جبکہ آخری اوور بھی انھوں نے ہی کرایا تھا۔

وطن واپسی پر بھارتی کرکٹرز کی مودی سے ملاقات

بھارتی ٹیم کے وطن پہنچتے ہی ان کے اعزاز میں خصوصی تقاریب منعقد ہوں گی۔

واضح رہے کہ بھارت نے آئی سی سی ٹی ٹوئنٹی ورلڈکپ فائنل 2024 میں سنسنی خیز مقابلے کے بعد جنوبی افریقہ کو شکست دے کر 2007 کے بعد دوسری بار ٹائٹل اپنے نام کیا ہے۔