بالی وڈ کے سلطان سلمان خان اس وقت اپنی زندگی کے مشکل ترین دور سے گرز رہے ہیں۔

رواں سال اپریل کے مہینے سلمان خان کے گلیکسی اپارٹمنٹس کے باہر ‘لارنس بشنوئی گروپ‘ کی جانب سے گولیاں چلائی گئی تھیں جس کے بعد سے اداکار معمولاتِ زندگی کے فیصلے اپنی مرضی کے مطابق کرنے سے قاصر ہیں۔

سلمان خان فائرنگ کیس، گینگسٹر اور شوٹر کی آڈیو برآمد

بشنوئی مرڈر کیس سلمان خان کی جان کو خطرہ برقرار

ممبئی کی سڑکوں پر سائیکل چلانے والے منچلے اداکار کو جان کا خطرہ ہونے کے باعث ممبئی پولیس کی جانب سے سخت سیکیورٹی فراہم کی گئی ہے۔

جس کی وجہ سے سلمان خان اپنے گھر سے نکلنے یا سیٹ پر جانے کے لیے پروٹوکول کے ساتھ سفر کرنے کے پابند ہیں۔

حال ہی میں اداکار سلمان خان کی جانب سے فوٹو اینڈ ویڈیو شیئرنگ ایپ انسٹاگرام پر ایک تصویر جاری کی گئی ہے جس میں انہیں گارڈن میں بیٹھا دیکھا جاسکتا ہے۔

انسٹاگرام پر جاری پوسٹ میں سلمان خان کی جانب سے سائیڈ پوز بنایا گیا ہے جس کے کیپشن میں‘گرین زون‘ لکھا گیا ہے۔

مداحوں کی جانب سے شوخ و چنچل اداکار کی اداس آنکھوں کو دیکھ کر سلمان خان کو حوصلہ دینے کا سلسلہ جاری ہے۔

پوسٹ کے کمنٹ سیکشن میں مداح بالی وڈ کے سلطان کو کہتے نظر آرہے ہیں کہ ‘پریشان نہ ہوں جلد ہی یہ دن بھی گزر جائیں گے اور آپ پھر سے نارمل زندگی گزاریں گے‘۔

سلمان خان فائرنگ کیس: ملزمان سے متعلق مزید ہوش رُبا انکشافات

گینگ اداکار کو قتل کرنےکیلئے جدید بندوقیں حاصل کرنے کی کوشش کر رہا تھا۔

واضح رہے کہ سلمان خان پر قاتلانہ حملہ کرنے والا ‘لارنس بشنوئی گروپ‘ وہی گروپ ہے جو پنجابی گلوکار ‘سدھو موسے والا‘ کے قتل میں ملوث ہے۔

 بھارتی میڈیا کی جانب سے جاری  فائرنگ کیس کی حالیہ اپڈیٹ کے مطابق سلمان خان پر فائرنگ کرکے ان کو قتل کرنے کا منصوبہ بنانے والے ملزمان کےخلاف ممنئی پولیس نے  نئی چارج شیٹ دائر کر دی گئی ہے۔

 اس چارج شیٹ میں بدنام زمانہ لارنس بشنوئی گینگ کے ملزمان پر قتل کی سازش اور دیگر سنگین الزامات عائد کیے گئے ہیں۔