پاکستانی سپر اسٹار فواد خان کی بھارتی اداکارہ وانی کپور کے ساتھ فلم میں ایک ساتھ کاسٹنگ کی خبر نے دونوں کے مداحوں کو خوش کردیا۔

فواد خان نے 2014 میں فلم ’خوبصورت‘ سے بالی وڈ میں ڈیبیو دیا تھا جس میں ان کے ساتھ سونم کپور کو کاسٹ کیا گیا تھا۔

سونم کپور کی فواد خان کے ساتھ ’خوبصورت‘ یاد

سونم کپور نے فواد خان کیساتھ ان دیکھی تصاویر جاری کردیں

بعدازاں فواد خان فلم ’کپور اینڈ سنز‘ اور ’اے دل ہے مشکل‘ میں بھی جلوہ گر ہوئے تھے اور ان تین فلموں میں بہترین اداکاری اور قاتلانہ لُکس سے بالی وڈ متوالوں کو اپنا دیوانہ بنانے میں کامیاب رہے۔

فواد خان کے بالی وڈ ڈیبیو کو 10 سال  جبکہ آخری بالی وڈ فلم کیے 8 سال بیتچکے ہیں اور اس دوران بھارتی مداح فواد خان کی بالی وڈ میں واپسی کے منتظر تھے۔

پُرستاروں کا فواد خان کو پھر سے بالی وڈ فلم میں اداکاری کرتے دیکھنے کا خواب اب پورا ہونے جارہا ہے کیونکہ بھارتی میڈیا میں یہ خبریں سرگرم ہیں کہ فواد خان جلد بھارتی فلم میں جلوہ گر ہونگے۔ 

فواد خان کے نئے پراجیکٹس کونسے؟ اہم انکشاف کردیا

'نیلوفر' اور 'شندور'، فواد خان کی وجۂ مصروفیت

فلم فیئر کی رپورٹ کے مطابق فواد خان جلد بالی وڈ فلم میں بھارتی اداکارہ وانی کپور کے ساتھ فلم میں کام کرنے والے ہیں اور اس فلم کی پروڈکشن جلد شروع ہونے والی ہے۔

رپورٹ کے مطابق فلم کی شوٹنگ کا جلد آغاز لندن میں ہوگا جبکہ اس وقت فلم پری پروڈکشن کے مرحلے میں ہے۔

واضح رہے کہ فواد خان سمیت دیگر پاکستانی فنکاروں میں سال 2016 کے بعد سے بھارتی کی جانب سے لگنے والی پابندی کے باعث کام نہیں کرسکے لیکن اب یہ پابندی واپس لی جاچکی ہے اور اسی سبب اب پاکستانی فنکاروں کی بالی وڈ میں واپسی دیکھنے کو مل رہی ہے۔