پاکستان پیٹرولیم ڈیلرز ایسوسی ایشن نے 5 جولائی کو ملک بھر میں پمپس بند کرنے کا اعلان کردیا۔

میڈیا رپورٹ کے مطابق چیئرمین پیٹرولیم ڈیلرز ایسوسی ایشن عبدالسمیع خان نے کہا کہ 5 جولائی کو ملک بھر میں پمپ بند کرکے ہڑتال کریں گے۔

پیٹرولیم مصنوعات کی قیمتوں میں بڑا اضافہ

نئی قیمتوں کا نوٹیفکیشن بھی جاری کر دیا گیا۔

ان کا کہنا تھا کہ ہم مجبور ہیں پہلے ہی بہت سے ٹیکسز ادا کررہے ہیں، دنیا میں کوئی ایسا طریقہ نہیں کہ نقصان میں پمپ چلائے جائیں۔

انہوں نے کہا کہ حکومت فوری طور پر ایڈوانس ٹیکس کا فیصلہ واپس لے، بجٹ میں 0 عشاریہ 5 فیصد ایڈوانس ٹیکس ٹرن اوور ٹیکس لگایا گیا ہے یہ ٹیکس پیٹرول پمپ کے کاروبار کو تباہ کردے گا۔

عبدالسمیع خان نے کہا کہ پہلے ہی کم سے کم منافع کے ساتھ پیٹرول پمپس چلا رہے ہیں، مہنگائی کی بلند ترین شرح میں کاروبار کو چلانا پہلے ہی مشکل ہے، غیرمنصفانہ ٹیکس کی وجہ سے کاروبار بند کرنے کے سوا کوئی چارہ نہیں۔

پیٹرولیم مصنوعات کی قیمتوں میں کمی کا اعلان

نئی قیمتوں کا اطلاق آج رات 12 بجے سے ہو گا۔

انہوں نے کہا کہ وزیر خزانہ سے ملاقات کی تھی لیکن ان کے پاس ہمارے سوالوں کا جواب نہیں، ایڈوانس انکم ٹیکس چار دن میں ختم کیا جائے، واضح طور پر بتایا ہے کہ سخت سے سخت قدم اٹھائیں گے۔

واضح رہے کہ گزشتہ دنوں پیٹرولیم ڈیلرز ایسوسی ایشن کی جانب سے پیٹرول پمپس بند کرنے کی دھمکی دی گئی تھی۔