مذہبی تقریب میں بھگدڑ مچنے سے 116 افراد ہلاک
ہلاک ہونے والوں میں زیادہ تعداد خواتین کی ہے۔
![مذہبی تقریب میں بھگدڑ مچنے سے 116 افراد ہلاک](https://www.hungamaexpress.com/assets/uploads/updates/2024-07-02/16692_3327315_7979_updates.jpg)
اتر پردیش کے ضلع ہتھراس میں ایک مذہبی تقریب کے دوران بھگدڑ مچنے سے کم از کم 116 افراد ہلاک ہو گئے جن میں اکثریت خواتین کی تھی۔
واقعہ اس وقت پیش آیا جب ایک مذہبی رہنما رتی بھان پور گاؤں میں خصوصی طور پر لگائے گئے خیمے میں اپنے پیروکاروں سے خطاب کر رہے تھے۔
پولیس کے مطابق ابتدائی طور پر ایسا لگتا ہے کہ پنڈال میں دم گھٹنے سے وہاں موجود لوگوں میں بے چینی پھیل گئی، جس کے بعد لوگ بھاگنے لگے اور بھگدڑ مچ گئی۔
پولیس نے مزید کہا کہ تقریب کے دوران بہت زیادہ گرمی اور گھٹن تھی۔
یہ ایک مذہبی رہنما بھولے بابا کی منعقدہ مذہبی تقریب تھی۔
انسپکٹر جنرل علی گڑھ رینج نے کہا کہ منگل کی سہ پہر کو ایٹا اور ہاتھرس ضلع کی سرحد پر واقع مقام پر اجتماع کرنے کی عارضی اجازت دی گئی تھی۔
زندہ بچ جانے والوں میں سے ایک کے مطابق بھگدڑ اس وقت ہوئی جب مذہبی تقریب ختم ہوئی اور ہر کوئی اس جگہ سے نکلنے کے لیے بھاگنے لگا۔
اس موقع پر پیروکاروں کا ایک بہت بڑا ہجوم جمع تھا، باہر نکلنے کا کوئی راستہ نہ تھا اور سب ایک دوسرے پر گر پڑے اور بھگدڑ مچ گئی۔
عینی شاہد کا کہنا تھا کہ میں نے باہر جانے کی کوشش کی تو باہر موٹر سائیکلیں کھڑی تھیں جنہوں نے میرا راستہ روک دیا۔
اسپتال پہنچنے والے ایک شخص نے کہا کہ بھگدڑ کے نتیجے میں بہت سے لوگ بے ہوش ہو گئے جبکہ دیگر مر گئے۔
حکام کی جانب سے واقعے کی اصل وجہ کی تحقیقات کی جارہی ہیں۔
-
انفوٹینمنٹ 1 گھنٹے پہلے
حنا خان نے کیموتھراپی کے زخموں کو جیت کی نشانی قرار دے دیا
-
سوشل میڈیا 1 گھنٹے پہلے
ایرانی ہیئر اسٹائلسٹ کا انوکھا کارنامہ، بال ’ٹی پوٹ’ میں تبدیل
-
پاکستان 2 گھنٹے پہلے
ریحام خان اور مرزا بلال کی ازدواجی زندگی میں خوشگوار تبدیلیاں
-
وائرل اسٹوریز 2 گھنٹے پہلے
امبانی پری ویڈنگ، جسٹن بیبر کا دیسی ڈانس وائرل