شادی سے پہلے ثانیہ مرزا کی کس اداکار سے دوستی مشہور تھی؟
اداکار کا روک ٹوک کرنا ٹینس اسٹار کو پسند نہیں آتا تھا۔
ثانیہ مرزا کی شعیب ملک سے طلاق کا چرچہ اب بھی خبروں میں ہے اور اب ایک نیا انکشاف سامنے آیا کہ پاکستانی کرکٹر سے شادی سے قبل ٹینس اسٹار ایک بالی وڈ اداکار کے قریب تھیں۔
پاکستانی کرکٹر شعیب ملک سے شادی کرنےسے پہلے ہی ثانیہ نے اپنے کامیاب کیریئر کے ذریعے بھارت اور دنیا بھر میں اپنی الگ پہچان بناچکی تھیں۔
رواں سال کے آغاز میں شعیب ملک اور ثانیہ مرزا کی طلاق کی تصدیق سامنے آئی تھی۔
جس کے بعد حال ہی میں ان کی بھارتی کرکٹر محمد شامی سے شادی کے بارے میں افواہیں بھی سامنے آئی تھیں تاہم ان کے والد عمران مرزا نے ان قیاس آرائیوں کی تردید کردی تھی۔
شعیب ملک سے شادی سے قبل ایک وقت تھا جب ثانیہ اور بالی وڈ اداکار شاہد کپور کے رومانس کے چرچے تھے البتہ ان کا رشتہ زیادہ دیر تک قائم نہیں رہا۔
شاہد کپور کی ثانیہ سے ملاقات سنہ 2009 میں ایک مشترکہ دوست کی پارٹی میں ہوئی تھی۔
اس وقت شاہد کا کرینہ کپور سے رشتہ ٹوٹا تھا اس لیے وہ ثانیہ مرزا کے قریب آگئے تھے اور دونوں کو اکثر ایک ساتھ دیکھا جاتا تھا۔
اسی دوران شاہد نے ثانیہ کے ساتھ زیادہ وقت گزارنے کے لیے حیدرآباد میں اپنی فلم ’کمینی‘ کے آؤٹ ڈور شوٹ کا بھی اہتمام کیا تھا۔
کہا جاتا ہے کہ شاہد کا روک ٹوک کرنا ثانیہ کو پسند نہیں آتا تھا اس وجہ سے ان کا رشتہ پروان نہیں چڑھ سکا۔
جب ثانیہ کرن جوہر کے شو ’کافی ود کرن‘ میں بطور مہمان آئیں تو ان سے شاہد کے ساتھ ڈیٹنگ کی افواہوں کے بارے میں پوچھا گیا تھا۔
اس پر انہوں نے کہا کہ انہیں یاد نہیں کیوں کہ یہ بہت پرانی بات ہے۔
شو میں جب ان سے پوچھا گیا کہ وہ شاہد، رنبیر کپور اور رنویر سنگھ میں سے کس کو ماریں گی، کس سے شادی کریں گی اور کس کے ساتھ تعلق بنانا چاہیں گی؟
جس پر انہوں نے کہا کہ وہ رنبیر سے شادی، رنویر کے ساتھ تعلقات قائم کرنا اور شاہد کو مارنا چاہیں گی۔
ثانیہ مرزا نے شاہد کپور کو شعیب ملک کے ساتھ اپنی شادی میں مدعو نہیں کیا تھا، شاہد اب میرا راجپوت سے شادی کر چکے ہیں اور ان کے 2 بچے میشا اور زین ہیں۔
زیادہ پڑھی جانے والی خبریں
وکی کوشل اور کرن اوجلا کی وائب میچ ہوگئی، شاندار رقص وائرل
‘ون ٹیک‘ میں ریکارڈ ہونے والے شاہکار گانے کونسے؟
مفتاح اسماعیل کی پارٹی جوائن کرنے والوں کیلئے مفت کوکومو؟
شرمیلا ٹیگور نے نکاح نامے میں کونسی منفرد شرط شامل کروائی؟
بیٹی کی جان لینا چاہتی تھی، ثروت گیلانی
علی سیٹھی نے بالآخر ’ہم جنس پرست‘ ہونے کا اعتراف کرلیا؟
ویرات کوہلی نے کیارا اور سدہارتھ سے کونسا اعزاز چھین لیا؟
رنگ برنگے ہارٹ ایموجیز کے اصل مطلب جانیے
