پاکستانی اداکار نعمان اعجاز کا اسکرپٹ رائٹر، ہدایتکار و شاعر خلیل الرحمان قمر کے نفرت انگیز بیان پر بلا واسطہ پیغام جاری کردیا۔

چند روز قبل خلیل الرحمان نے ایک ٹاک شو میں شرکت کی جہاں وہ مختلف موضوعات پر بات کرتے دکھے اور اسی دوران انہوں نے نعمان اعجاز کے حوالے سے چند نفرت انگیز جملے بھی ادا کیے۔

خلیل الرحمان قمر کو نعمان اعجاز سے شدید نفرت کیوں؟

لکھاری نے سینئر اداکار کے لیے انتہائی سخت الفاظ استعمال کیے۔

خلیل الرحمان قمر کا کہنا تھا کہ’پوری دنیا میں صرف ایک ہی شخص ہے جس سے میں واقعی نفرت کرتا ہوں، اور وہ ہے نعمان اعجاز۔’

انہوں نے شدید برہمی کا اظہار کرتے ہوئے مزید کہا کہ’ایک اداکار کے طور پر نعمان کی صلاحیتوں کا اعتراف کرتا ہوں لیکن وہ اس قابل ہی نہیں کہ اس سے محبت کی جائے وہ ایک ذلیل انسان ہے’۔

مکالمہ کرنے پر لڑکی سے خلیل الرحمان کی بدتمیزی، ویڈیو وائرل

لڑکی نے خواتین کو جاہل کہنے پر ساحل عدیم سے معافی کا مطالبہ کیا تھا۔

جہاں سوشل میڈیا پرخلیل الرحمان کا بیان وائرل ہوا تو مداح نعمان اعجاز کی جانب سے منہ توڑ جواب کے منتظر نظر آئے لیکن لیجنڈری اداکار نے جذبات کے بجائے عقل سے کام لیتے ہوئے ایک انسٹاگرام پوسٹ میں کسی کو تنقید کا نشانہ بنائے بغیر اپنا موقف واضح کردیا۔

نعمان اعجاز نے لکھا کہ 'جیسا کہ بیج کے اگنے کی کوئی آواز نہیں ہوتی اور وہ خاموشی سے نشو نما پاتا چلا جاتا ہے لیکن درخت کے گرنے کی آواز بہت شور مچاتی ہے'۔

انہوں نے لکھا کہ 'اس کا مطلب ہے کہ تباہی بہت شور مچاتی ہے لیکن تخلیق خاموشی سے ہوجاتی ہے اور یہی خاموشی کی طاقت ہے اس لیے خاموشی سے ترقی کی منازل طے کرتے جائیں، اللہ آپ سب کو خوش رکھے'۔

پوسٹ کے کمنٹ سیکشن میں سوشل میڈیا صارفین کی جانب سے مختلف تبصرے کیے جارہے ہیں اور متعدد اسے خلیل الرحمان کی جانب سے کی گئی تنقید کا منہ توڑ جواب قرار دے رہے ہیں۔

حدود کا تعین نہ کرنے والی لڑکیوں کا استحصال ہوتا ہے، خلیل الرحمان

مرد کسی عورت کا استعمال کیسے کرتے ہیں ؟ خلیل الرحمٰن بول پڑے

ایک صارف نے لکھا کہ 'خلیل الرحمان کے بیان کو نظر انداز کرنے کا آرٹ' ، جبکہ ایک اور انسٹاگرام صارف نے لکھا کہ 'سب جب عروج پر جاتے ہیں تو پھر اپنی برائیاں بھول جاتے ہیں اور دوسروں کے ساتھ نفروتوں کے قصے کھولتے ہیں جیسے خلیل الرحمان'۔

ایک اور صارف نے لکھا کہ 'میں ہمیشہ آپ کے آرٹ کی تعریف کرتی آئی ہوں لیکن اب آپکے اس بہترین ردِعمل کے بعد تو آپکی عزت دل میں اور بڑھ گئی ہے'۔