معروف گلوکار عاصم اظہر نے اپنی زندگی کے رازوں سے پردہ اٹھاتے ہوئے پہلے پیار کو چھوڑنے کی وجہ بتادی۔

اپنے گانے 'غلط فہمی' سے شہرت کی بلندیوں کو چھونے والے گلوکار نے حال ہی میں تابش ہاشمی کے پروگرام ہنسنا منع ہے میں شرکت کی۔

عاصم اظہر جلد شادی کرنے والے ہیں؟

مداح دعا کریں ہمارے والدین ہمیں جلد شادی کی گڈ نیوز سنادیں۔

پروگرام میں سوال پوچھتے ہوئے تابش ہاشمی نے انکشاف کیاکہ عاصم اظہر کا پہلا پیار کرکٹ تھا، ساتھ ہی سوال کیا کہ اسے آپ نے کیوں چھوڑا؟

جس کا جواب دیتے ہوئے عاصم اظہر نے کہا کہ میرے والد نے کرکٹ کے لیے مجھے بہت سپورٹ کیا لیکن جب ایک مرتبہ میں آؤٹ ہو کر گھر آیا تو بہت دل گرفتہ تھا۔

گلوکار نے کہا کہ والد صاحب نے میری اداسی دیکھتے ہوئے ایک ایسی بات کی جس نے دل کو توڑ دیا لیکن وہ سچی بات تھی۔

بات کو جاری رکھتے ہوئے انہوں نے کہا کہ والد صاحب نے کہا کہ 'بیٹا 18 کروڑ عوام میں سے صرف 11 نے میدان میں اتر کھیلنا ہے، اس لیے تم دیکھ لو کہ تمہیں کیا کرنا ہے'۔

گلوکار نے کہا کہ میں نے اس کھیل کے پیچھے بہت سے زندگیاں ضائع ہوتی دیکھی ہیں، اس لیے مجھے احساس ہوا۔

ان کا کہنا تھا کہ میرے خیال میں یہ اچھا فیصلہ رہا کیوں کہ اس کے بعد موسیقی کی فیلڈ میں قدم رکھ دیا جس پر اب لوگوں سے بہت پیار ملتا ہے۔

مجھے معاف کردو، عاصم اظہر دلبرداشتہ کیوں؟

عاصم اظہر نے کرکٹ دیکھنے سے توبہ کرلی

عاصم اظہر نے بتایا کہ ان کے فیملی کے افراد موسیقی کے ہی شعبے سے تعلق رکھتے تھے اس لیے انہوں نے اس شعبے میں قدم رکھا۔

گلوکار نے بتایا کہ وہ جسٹن ٹمبر اور مائیکل جیکسن، بیک اسٹریٹ بوائز وغیرہ سے متاثر ہوئے جبکہ پاکستانی گلوکاروں میں سجاد علی، ہارون اور فاخر سے انسپریشن لی۔۔