جوس کی بجائے کیڑے مار دوا پینے سے دو بچیاں دم توڑ گئیں
خاتون اپنی دونوں بیٹیوں کی موت پر غم سے نڈھال
آسٹریلیا کے شہر نیڈلینڈز کے ایک مقامی ریسٹورنٹ میں جوس کے بجائے کیڑے مار دوا پینے سے دو لڑکیاں دم توڑ گئیں۔
رپورٹ کے مطابق یہ واقعہ آسٹریلیا کے شہر نیڈلینڈز کے ایک مقامی ریسٹورنٹ میں پیش آیا جب مشیل لیمن نامی خاتون اور اس کی دو بیٹیاں 12 سالہ اولیویا اور 11 سالہ ہننا نے تھوڑی مقدار میں کیڑے مار دوا پی لی۔
رپورٹس میں کہا گیا ہے کہ خاتون اور اس کی بیٹیوں نے ابتدائی طور پر سیب کا جوس طلب کیا تھا لیکن بروقت سیب کا جوس میسر نہ ہونے کے بعد اس خاتون نے کرین بیری جوس کا انتخاب کرلیا۔
لیمن نے ایک مقامی میڈیا آؤٹ لیٹ کو بتایا، ’ویٹر جو جوس لے کر آیا اور بالکل کرین بیری کے جوس جیسا لگ رہا تھا۔لیکن جیسے ہی ان کی بیٹیوں نے ایک گھونٹ لیا فوراً ہی اس جوس کو تھوک دیا’۔
خاتون نے اس لمحے ریسٹورنٹ میں شور مچایا کہ 'یہ زہریلا ہے'۔ بعدازاں جب تصدیق کرنے کے لیے، مشیل لیمن نے اس جوس کو چکھا تو اس نے بھی اسے تھوک دیا۔
اس واقعہ کے بعد خاتون کے شوہر مارکس، جو ایک کیمیکل انجینئر تھے انہوں نے محسوس کیا کہ اس کی بیٹیوں اور بیوی نے جو جوس پیا ہے وہ کرین بیری کا جوس نہیں تھا اور اسی شک کے بنیاد پر مارکس نے جوس کی بوتل دیکھنے کا مطالبہ کیا۔
کافی اصرار کے بعد جب جوس کی بوتل مارکس کے سامنے پیش کی گئی تو انکشاف ہوا کہ اس بوتل میں کیڑے مار دوا کیساتھ سیٹرونیلا تیل ملاہوا تھا کہ جو ایک خطرناک زہر تھا’۔
مذکورہ بوتل پر ایک لیبل بھی چسپاں تھا جس پر واضح طور پر لکھا ہوا موجود تھا کہ،’اگر اسے نگل لیا جائے، سانس کے ذریعے لیا جائے یا جلد کے ذریعے جذب کیا جائے تو یہ نقصان دہ ہے’۔
بعدازاں متاثرہ بچیوں کو فوری طور پر اسپتال منتقل کیا گیا جہاں وہ طبیعت میں ناسازی کے سبب دم توڑ گئیں۔
زیادہ پڑھی جانے والی خبریں
وکی کوشل اور کرن اوجلا کی وائب میچ ہوگئی، شاندار رقص وائرل
‘ون ٹیک‘ میں ریکارڈ ہونے والے شاہکار گانے کونسے؟
مفتاح اسماعیل کی پارٹی جوائن کرنے والوں کیلئے مفت کوکومو؟
شرمیلا ٹیگور نے نکاح نامے میں کونسی منفرد شرط شامل کروائی؟
بیٹی کی جان لینا چاہتی تھی، ثروت گیلانی
علی سیٹھی نے بالآخر ’ہم جنس پرست‘ ہونے کا اعتراف کرلیا؟
ویرات کوہلی نے کیارا اور سدہارتھ سے کونسا اعزاز چھین لیا؟
رنگ برنگے ہارٹ ایموجیز کے اصل مطلب جانیے
