27 جون کو ریلیز ہونے والی سائنس فکشن فلم ‘کالکی 2898 AD‘ اپنی زبردست پذیرائی کیساتھ ہی  باکس آفس پر یکے بعد دیگرے تمام ریکارڈ توڑ رہی ہے۔

 پربھاس، امیتابھ بچن، دیپیکا پڈوکون اور کمل ہاسن کی  فلم کالکی نے باکس آفس پر اپنی ریلیز سے پہلے ہی دنیا بھر سے 300 کروڑ روپے کا بزنس کیا اور اب فلم نے ایڈوانس بکنگ کی سائٹس پر ریکارڈ  ٹکٹس کی فروخت کے ساتھ ہی فلم نے  اداکار پربھاس کا ‘شاہ رُخ خان‘ کی فلم جوان کو پیچھے چھوڑنے کا خواب بھی پورا کردیا‘۔

اللو ارجن نے اپنی حریف فلم ‘کالکی 2898AD‘ دیکھ کر کیا کہا؟

اداکار کی انسٹاگرام اسٹوری وائرل

بھارتی میڈیا کے مطابق  فلموں کے ٹکٹس کی ایڈوانس بکنگ کی سائٹ بُک مائی شو نے انکشاف کیا ہے کہ فلم کالکی 2898 AD‘ کے 90 ہزار سے زیادہ ٹکٹ صرف ایک گھنٹے کے وقت میں  فروخت ہوئے جوکہ  فلم کا ایک نیا ریکارڈ ہے‘۔

 اس سے قبل یہ ریکارڈ شاہ رخ خان کی فلم  ‘جوان‘ کے پاس تھا۔کنگ خان کی فلم  ‘جوان‘ نے  ایک گھنٹے سے بھی کم وقت میں 86 ہزار ٹکٹس فروخت کرنے والی پہلی فلم کا اعزاز اپنے نام کیا تھا۔

فلم ‘کالکی 2898‘ کے کچھ دلچسپ اور حیران کُن پہلو

فلم کے اہم کرداروں سے ملیے

واضح رہے 600 کروڑ بھارتی روپے کے بجٹ سے بننے والی فلم ‘ کالکی 2898 AD’نے فلم انڈسٹری میں اب تک سب سے زیادہ بجٹ میں بننے والی فلم کا اعزاز اپنے نام کرکے ‘پشپا 2‘ کا ریکارڈ بھی توڑ دیا تھا۔

میگا بجٹ و کاسٹ پر مشتمل فلم ’کالکی 2898 AD‘ دنیا بھر میں موجود شائقین کیلئے 27 جون کو ریلیز کردی گئی ہے جس کے بعد فلم کا گزشتہ تمام ریکارڈ توڑنے کا سلسلہ جاری ہے۔