سرگودھا میں بااثر افراد کا غریب زمیندار کے مویشیوں کو زندہ جلانے کے بعد سرگودھا پولیس نے مرکزی ملزم کو گرفتار کرلیا۔

حالیہ چند دنوں سے بے زبان جانوروں پر ظلم کرنے کے کیسز میں اضافہ دیکھنے کو مل رہا ہے۔

سانگھڑ میں اونٹنی کی ٹانگ کاٹنے کی خبر سوشل میڈیا پر آنے کی دیر تھی کہ یکے بعد دیگرے جانوروں پر وحشیانہ مظالم کی خبریں سرگرم ہوگئیں۔

مظلوم اونٹنی کے مالک کا ملزمان کی نشاندہی سے انکار

شیلٹر اینمل کے مینجر کا بیان سامنے آگیا

اونٹنی کے بعد گدھے کے کان کاٹنے، کتوں کو بےدردی سے مارنے اور عمرکوٹ کی اور ایک مظلوم اونٹ کے چارروں ٹانگیں کاٹنے کے بعد اب مویشوں کو زندہ جلانے کا واقعہ بھی رونما ہوگیا۔

حال ہی میں سرگودھا کے نواحی چک ستائیس میں دیرینہ رنجش پر مخالفین نے مویشیوں کو آگ لگادی۔جس میں لاکھوں روپے مالیت کے مویشی جھلس کر ہلاک ہوگئے جبکہ  ایک درجن سے زائد مویشی بچ گئے تاہم وہ بری طرح زخمی ہیں۔

سندھ، نامعلوم افراد نے مبینہ طور پر اونٹنی کی چاروں ٹانگیں کاٹ دیں

اونٹنی مردہ حالت میں پائی گئی۔

 اس گھناؤنے واقعے کے بعد سرگودھا پولیس ایکشن میں آگئی اور ملزمان کی تلاش شروع کردی۔

بعدازاں مائیکرو بلاگنگ سائٹ ایکس پر پنجاب پولیس نے مذکورہ جائے وقوعہ کی تصاویر شیئر کرتے ہوئے اطلاع دی کہ اس گھناؤنے جرم کے مرکزی ملزم کو گرفتار کرلیا گیا ہے۔

پوسٹ میں لکھا گیا تھا کہ،’ اسلام نے بے زبان جانوروں کو بھی حقوق دیئے، ان کے حقوق متعین کرکے رہتی دنیا تک انہیں تحفظ فراہم کیا۔ ان سے بدسلوکی کرنے والوں کو دوزخ کے عذاب کی وعید سنائی۔’

مزید بتایا گیا تھا کہ ،’آئی جی پنجاب ڈاکٹر عثمان انور نے واقعہ کا نوٹس لیتے ہوئے ڈی پی او سرگودھا کو ملزمان کے خلاف سخت ایکشن کا حکم دیا اور بھاگٹانوالہ پولیس کا ملزمان کے خلاف مقدمہ درج کرکے گرفتار ملزم سے تفتیش جاری شروع کردی۔

اس حوالے سے ڈی پی او سرگودھا ڈاکٹر اسد اعجاز ملہی کا کہنا تھا کہ،’ ملزمان کو قانون کے کٹہرے میں لا کر سزا دلوائی جائے گی’۔