جارہانہ مزاج بھارتی بلے باز سوریا کمار یادونے اہلیہ اور ٹرافی کے ہمراہ خصوصی تصاویر سوشل میڈیا پر  شیئر کر ڈالیں۔

بھارتی کرکٹرز نے عالمی چیمپئن بننے کے بعد مختلف طرح سے ٹرافی پکڑ کر فتح کا جشن منایا۔ کسی کھلاڑی نے گراؤنڈ میں ہلہ گلہ کیا تو کسی نے اہلیہ و بچوں کیساتھ مل کر ٹرافی اپنے ہاتھ میں پکڑے ڈھیروں تصاویر بنوائیں۔

17 سال بعد ٹی ٹوئنٹی ورلڈکپ کا فاتح بننے کے بعد تمام بھارتی کھلاڑی گراؤنڈ میں روتے ہوئے دکھائی دیے، ان کھلاڑیوں میں ہاردک پانڈیا، محمد سراج، روہت شرما،ویرات کوہلی سمیت دیگر پلیئرز شامل تھے ۔اسی طرح جارہانہ مزاج بلے باز سوریا کمار یادو نے بھی جیت کا جشن انوکھے انداز میں منایا۔

سوشل میڈیا پر وائرل تصاویر میں دیکھا جا سکتا ہے کہ سوریا اور اہلیہ آرام کر رہے ہیں اور ان کیساتھ ٹرافی بھی بیڈ پر موجود ہے۔ پہلی تصویر میں سوریا اور اہلیہ  مسکراتے ہوئے دکھائی دیے جبکہ دوسری تصویر میں سوتے ہوئے۔

مذکورہ پوسٹ شیئر کرتے ہوئے سوریا نے دلچسپ کیپشن تحریر کیا جس کے الفاظ کچھ یوں ہیں ، آج کی رات بہت اچھی نیند آنے والی ہے۔

بھارت کی جیت نے عرفان پٹھان کو جذباتی کر ڈالا

یہ خوشی کے آنسو ہیں۔

واضح رہے کہ بلے باز سوریا کمار یادو کی اس پوسٹ کو سوشل میڈیا پر بھرپور پیار سے نوازا جا رہا ہے اور اس بات کا منہ بولتا ثبوت یہ ہے کہ اب تک اس تصویر پر 2 لاکھ سے زائد لائکس آچکے ہیں۔