ڈائریکٹر  ناگ اشون کی فلم ‘کالکی 2898 AD‘ اپنی ریلیز کے پہلے دن سے ہی بھارت سمیت عالمی باکس آفس پر شاندار کامیابی حاصل کررہی ہے۔

فلم میں ٹالی وڈ سپر اسٹار پربھاس کے ہمراہ دیپیکا پڈوکون، امیتابھ بچن اور کمل ہاسن کے ساتھ ساتھ دیشا پٹانی اور شوبھانا کو اداکاری کے جوہر دکھاتے ہوئے دیکھا جاسکتا ہے۔

حال ہی میں ساؤتھ فلم انڈسٹری کے بے تاج بادشاہ رجنی کانت کی جانب سے فلم کو سراہنے کے بعد ٹالی وڈ کے ‘پشپا‘ بھی پربھاس کی فلم کے گرویدہ ہوگئے۔

اللو ارجن نے ناگ اشون کی فلم 'کالکی 2898 AD' دیکھنے کے بعد فوٹو اینڈ ویڈیو شیئرنگ  ایپ انسٹاگرام کا رُخ کیا جہاں انہوں نے اپنی انسٹا اسٹوری کے ذریعے فلم کی تعریف کی۔

اپنی انسٹاگرام اسٹوری میں  اداکار اللو ارجن  نے فلم اور اداکاروں کی  پرفارمنس پر ایک نوٹ لکھا جس میں فلم 'کالکی' کی پوری ٹیم کو خراجِ تحسین پیش کیا گیا۔ 

اللو ارجن کا کہنا تھا کہ فلم کالکی 2898 AD' کی شاندار کامیابی پر  پوری ٹیم کو مبارکباد پیش کرتا ہوں۔ اداکار پربھاس گرو کیلئے ہمیشہ دل میں احترام ہے کیونکہ وہ سچ میں سپر ہیرو ہیں ۔

رجنی کانت کس فلم کے سیکوئل کے منتظر؟

اگلے پارٹ کا بے صبری سے منتظر ہوں

اپنے نوٹ میں اداکار اللو ارجن نے امیتابھ بچن  سے لیکر دیپیکا پڈوکون تک فلم کالکی کے ہر ایک  اداکار کے کام کی تعریف کی۔

واضح رہےفلم ‘پشپا 2’ کی سب سے بڑی حریف سمجھی جانے والی فلم کالکی کے حوالے سے ایک طویل نوٹ کے ذریعے تعریفی کلمات ادا کرنے پر مداح ‘اللو ارجن‘ کی دریا دلی سے کافی متاثر ہورہے ہیں۔