بھارت کے ایوانِ زیریں لوک سبھا میں 10 برسوں خالی رہنے والا اپوزیشن لیڈر کا عہدہ کانگریس کے راہول گاندھی کو مل گیا۔

وزیراعظم نریندر مودی کے گزشتہ دو ادوارِ حکومت کے دوران لوک سبھا میں کوئی بھی اپوزیشن لیڈر نہیں تھا کیوں کہ کسی پارٹی کے پاس یہ عہدہ حاصل کرنے کے لیے درکار 56 نشستیں نہیں تھیں۔

راہول گاندھی کے لوک سبھا کا اپوزیشن لیڈر بننے کا امکان

کانگریس کی ورکنگ کمیٹی نے قرار داد منظور کرلی۔

کانگریس پارلیمانی پارٹی کی چیئرپرسن (سونیا گاندھی) نے  اسپیکر بھرتوہری مہتاب کو خط لکھ کر راہول گاندھی کو لوک سبھا میں قائد حزب اختلاف مقرر کرنے کے فیصلے سے آگاہ کیا۔

 جس کا اعلان پارٹی کے جنرل سکریٹری کے سی وینوگوپال نے اتحادیوں کے ساتھ میٹنگ کے بعد کیا۔ 

بھارت میں اپوزیشن لیڈر کو کابینہ کے رکن کا درجہ حاصل ہوتا ہے، 

راہول گاندھی کے اپوزیشن لیڈر کا عہدہ سنبھالنے کا مطلب یہ بھی ہوگا کہ انہیں وزیر اعظم نریندر مودی کے ساتھ بیٹھ کر اہم عہدیداروں جیسے کہ الیکشن کمشنرز، سنٹرل بیورو آف انویسٹی گیشن ڈائریکٹر، سنٹرل ویجیلنس کمیشن کے چیئرپرسن، چیف انفارمیشن کمشنر اور نیشنل ہیومن رائٹس کمیشن کے چیئرپرسن کا انتخاب کرنا ہوگا۔

فواد چوہدری کا راہول گاندھی کی حمایت کا اعلان؟

انتہا پسندوں اور نفرت پھیلانے والوں کی مخالفت کرتا ہوں، فواد چوہدری

 ان تمام پوسٹوں کا انتخاب ایک پینل کے ذریعے کیا جاتا ہے جس میں وزیراعظم اور اپوزیشن لیڈر شامل ہوتے ہیں، اب تک راہول گاندھی کبھی بھی نریندر مودی کے ساتھ اس پینل میں نہیں رہے۔

بھارت کی اپوزیشن جماعت کانگریس کے جنرل سکریٹری کے سی وینیو گوپال کے مطابق بھارتی پارلیمنٹ میں کانگریس رہنما راہول گاندھی کو اپوزیشن کا پارلیمانی لیڈر مقرر کر دیا گیا ہے۔

انہوں نے کہا کہ راہول گاندھی پارلیمنٹ میں بھارتی عوام کی مضبوط آواز ہوں گے اور اس بات کو یقینی بنائیں گے کہ حکومت ہر وقت جوابدہ رہے۔