بالی وڈ کی دبنگ اداکارہ سوناکشی سنہا کی شادی بھارت سمیت دنیا بھر میں پڑھی اور سنی جانے والی سب سے بڑی خبر بن گئی۔

بین المذاہب شادی کی وجہ سے جوڑے کو کافی زیادہ تنقیدکا سامنا کرنا پڑ رہا ہے تاہم 23 جون کو ظہیر اقبال اپنی دلہنیا کی بارات لیکر جب سسرال پہنچے تو  ساری ٹرولنگ نیک تمناؤں میں تبدیل ہوگئی۔

پہلے ہی دن سوناکشی کو نند نے ایسا کیا کہا کہ وہ رونے لگیں؟

سوشل میڈیا پر ویڈیو وائرل

شادی کی تیاریوں کا ایک ایک لمحہ نجی رکھنے کے بعد جب سوناکشی پہلی مرتبہ ‘مسز ظہیر‘ کے طور پر پاپارازی کے سامنے آئیں تو اداکارہ کے ویڈنگ لُک پر مداحوں کی جانب سے تعریفوں کا تانتا بندھ گیا۔

سوناکشی کا ویڈنگ لُک کس اداکارہ کی کاپی؟

جہاں ایک جانب اداکارہ سوناکشی سنہا کے عروسی جوڑوں کے چرچے زبان زدِ عام ہیں وہیں دوسری طرف ان کے آؤٹ فٹس کو دیکھ کر ذہن میں 6 سال پہلے ہونے والی اداکارہ دیپیکا پڈوکون اور رنویر سنگھ کی شادی یاد آجاتی ہے۔

سوناکشی کی شادی، 3 مختلف لکُس کی تفصیلات

سوناکشی نے ایک ہی دن میں 2 ساڑھیاں اور ایک پشواس پہن لی

اداکارہ سوناکشی سنہا نے اپنی شادی کے موقع پر کافی حد تک اداکارہ دیپیکا کے عروسی جوڑوں کو کاپی کیا ہے۔

 صرف یہی نہیں سوناکشی کے ہیئر اسٹائل ، میک اپ  سے لیکر جیولری تک تمام کی تمام لکس حیرت انگیز طور پر دیپیکا سے مشابہت رکھتی ہیں۔

 سوناکشی کی سول ویڈنگ اور دیپیکا کا سیم ریسیپشن لُک:

سوناکشی سنہا اور ظہیر اقبال کی سول ویڈنگ کی تقریب میں  اداکارہ کی جانب سے پہنی گئی ساڑھی میں کوپر رنگ کی میناکاری کے کام سے لیکر  جیولری میں موجود کندن کے اسٹائل تک سب دیپیکا پڈوکون کے برائیڈل لُک کی ڈکٹو کاپی ہے۔

فرق صرف یہ ہے کہ سوناکشی نے اپنی والدہ کی 44 سال پُرانی جبکہ اداکارہ دیپیکا نے ڈیزائنر ‘سبھیا ساچی‘  کی تیار کردہ ساڑھی پہنی تھی۔

اداکارہ سوناکشی کے ریسیپشن اور دیپیکا کے لُک میں مماثلت  دیکھیے:

اس بات سے تو کوئی بھی نظریں نہیں چرا سکتا کہ اداکارہ سوناکشی سنہا کا دوسرا ویڈنگ لُک بھی دیپیکا پڈوکون کے لُک کا چربہ ہے۔

چھ سال پہلے اپنی شادی کی تقاریب میں دیپیکا کی جانب سے  ریشمی ساڑھیوں اور دوپٹوں کے انتخاب نے صارفین کی توجہ بآسانی اپنی جانب مبذول کی تھی۔

اداکارہ سوناکشی کو دیکھا جائے تو ایک بار پھر وہ اپنے دوسرے لُک میں بھی ہوبہو  اداکارہ دیپیکا کی کاپی کرتی نظر آرہی ہیں۔

فوٹو بشکریہ انٹرنیٹ