شدید گرمیوں کے اس موسم میں ایسی بیماریاں عام ہیں جن کی وجہ زیادہ درجہ حرارت ہے۔ شدید گرمی صحت کے کچھ سنگین مسائل کا سبب بن سکتی ہے۔

ورلڈ ہیلتھ آرگنائزیشن کے مطابق 2004-2000 اور 2017-2021 کے درمیان 65 سال سے زیادہ عمر کے افراد کی گرمی سے اموات میں تقریباً 85 فیصد اضافہ ہوا۔

ڈبلیو ایچ او نے یہ بھی بتایا ہے کہ ہیٹ ویو قدرتی خطرات میں سب سے زیادہ خطرناک ہے اور یہاں تک کہ ہیٹ ویو کی ہلکی شدت بھی کمزور افراد کو متاثر کر سکتی ہے۔

ذیل میں ہم ہیٹ ویو کے انسانی صحت پر اثرات اور اس سے بچاؤ کے طریقے بیان کر رہے ہیں۔

دل کی دھڑکن کا تیز ہونا

جب آپ گرمی محسوس کرتے ہیں تو آپ کی دل کی دھڑکن تیز ہو جاتی ہے۔ آپ کے جسم کو زیادہ درجہ حرارت میں زیادہ مشقت کرنی پڑتی ہے، اس کے نتیجے میں دل کی دھڑکن بڑھ سکتی ہے۔

چکر آنا

گرمی انسانی جسم میں پانی کی کمی کر سکتی ہے اور پانی کی یہ کمی آپ کے دماغ کے لیے کافی خون حاصل کرنا مزید مشکل بنا سکتی ہے۔ اس سے آپ کو چکر آ سکتے ہیں۔

 فشار خون میں کمی

گرمیوں میں مسلسل پسینے کی وجہ سے جسم میں فلیوڈز اور الیکٹرولائٹس کم ہو جاتے ہیں۔ گرمی آپ کے خون کی نالیوں کو بھی پھیلا دیتی ہے۔ یہ فشار خون میں کمی کا باعث بن سکتا ہے۔

 تھکن

شدید گرمی سے آپ تھکاوٹ کا شکار ہو سکتے ہیں اور متلی شروع ہو سکتی ہے۔ اس تھکاوٹ کو نظرانداز نہیں کرنا چاہیے کیونکہ اگر یہ ٹھیک نہ ہو تو ہیٹ سٹروک ہو سکتا ہے۔

تربوز کے 7 حیرت انگیز فوائد جن سے آپ ناواقف ہیں

اس کے استعمال سے جسم میں نمکیات کی سطح بھی معمول پر رہتی ہے

 جسم میں پانی کی کمی

ضرورت سے زیادہ پسینہ پانی کی کمی کا باعث بن سکتا ہے۔ پانی کی کمی سر درد، چکر آنا، غنودگی، پیشاب میں کمی، منہ خشک، فشار خون میں کمی اور بہت سے ایسے مسائل کی وجہ بن سکتی ہے۔