پاکستان کے مایہ ناز کرکٹر شاہد آفریدی نے اپنی متنازع تصویر پر وضاحت جاری کردی ہے جس کی بنیاد پر انہیں 'اسرائیل کا حامی' قرار دیا جارہا تھا۔

آج سارا دن وائرل رہنے والی اِس تصویر نے سوشل میڈیا پر ہنگامہ برپا کردیا تھا جس میں شاہد آفریدی کو مبینہ طور پر ایک اسرائیلی تنظیم کے احتجاج میں شریک دیکھا گیا۔

شاہد آفریدی کی اسرائیل کی حمایت، حقیقت کیا؟

اسرائیلی تنظیم نے 'مبینہ حمایت' پر شکریہ بھی ادا کیا۔

صارفین کی جانب سے دعویٰ کیا جارہا تھا کہ شاہد آفریدی نے مانچسٹر میں یہودی تنظیم 'نارتھ ویسٹ فرینڈز آف اسرائیل' کے عہدیداران کے ساتھ اس احتجاج میں شامل ہو کر تصویر کھنچوائی جو کہ حماس کے ہاتھوں یرغمال بنائے گئے اسرائیلیوں کی رہائی کیلئے آرگنائز کیا گیا تھا۔

یہ تصویر 'نارتھ ویسٹ فرینڈز آف اسرائیل' کے آفیشل ایکس اکاؤنٹ سے پوسٹ کی گئی تھی جس کے کیپشن میں لکھا گیا کہ 'پاکستانی کرکٹر شاہد آفریدی نے مانچسٹر میں اتوار کو اسرائیلی یرغمالیوں کی بازیابی کے لیے ہماری احتجاج میں شرکت کی اور حمایت کا اظہار کیا'۔

پوسٹ میں مزید بتایا گیا کہ 'تصویر میں شاہد آفریدی کے ساتھ تنظیم کے شریک چیئرپرسن رافی بلوم اور ڈپٹی چیئرپرسن برنی یاف کھڑے ہیں'۔

عمران ریاض اور شاہد آفریدی کی لفظی جنگ طول پکڑ گئی

آپ تو بہت چھوٹے آدمی نکلے، عمران ریاض کا شاہد آفریدی کو جواب

اسرائیلی تنظیم کے آفیشل اکاؤنٹ سے کی گئی اِس پوسٹ میں شاہد آفریدی کو ٹیگ کرکے اُن کی 'مبینہ حمایت' کا شکریہ بھی ادا کیا گیا۔

یہ تصویر سامنے آنے کے بعد سوشل میڈیا صارفین نے شاہد آفریدی کو 'یہودی ایجنٹ'، 'اسرائیل کا یار' اور 'فلسطین مخالف' جیسے طرح طرح کے القابات سے نوازنا شروع کردیا، حتیٰ کے بعض صارفین نے انہیں 'غدار' بھی قرار دے دیا۔

تاہم شاہد آفریدی نے سوشل میڈیا پلیٹ فارم 'ایکس' پر اپنی ایک تازہ پوسٹ میں اِس متنازع تصویر کی حقیقت بیان کردی ہے۔

شاہد آفریدی نے اپنی پوسٹ میں لکھا کہ 'تصور کریں کہ آپ مانچسٹر (برطانیہ) میں ایک سڑک پر ٹہل رہے ہوں، اس دوران آپ کے فین ہونے کے دعویدار کچھ لوگ نمودار ہوں اور آپ کے ساتھ سیلفی لینے کی فرمائش کریں، آپ اُن کی درخواست قبول کرکے تصویر کھچوالیں اور چند لمحوں بعد وہ اِس تصویر کو صیہونیوں کے کسی مؤقف کی توثیق کے طور پر پوسٹ کردیں'۔

انہوں نے لکھا کہ 'یہ سب انتہائی ناقابل یقین ہے، براہ کرم انٹرنیٹ پر اپ لوڈ کی گئی ہر چیز پر یقین نہ کریں، فلسطین میں معصوم جانوں کو اذیت میں مبتلا دیکھ کر میرا دل دہل جاتا ہے'۔

میری طرف سے یہ آخری جواب ہے، شاہد آفریدی کا عمران ریاض کو منہ توڑ جواب

سابق کپتان نے اپنی پوسٹ میں ہیش ٹیگ ’ٹرول‘ کا بھی اضافہ کیا۔

شاہد آفریدی نے واضح کیا گیا کہ 'مانچسٹر میں کھینچی گئی کوئی بھی تصویر کسی بھی ایسے معاملے میں میری حمایت کی عکاسی نہیں کرتی جس میں انسانی جانیں خطرے میں ہوں'۔

انہوں نے بتایا کہ 'میں پوری دنیا میں شائقین کے ساتھ تصویریں کھینچتا ہوں، یہاں بھی ایسا ہی ہوا تھا'۔ 

پوسٹ کے اختتام میں شاہد آفریدی نے لکھا کہ 'میں امن کے لیے دعاگو ہوں، میں اس جنگ کے خاتمے کی دعا کرتا ہوں، میں آزادی کے لیے دعاگو ہوں'۔