پاکستانی شوبز انڈسٹری کی خوبصورت  اداکارہ زارا نور عباس نے ایک انٹرویو کے دوران  انکشاف کیا ہے کہ ماں بننے کے بعد ان میں سے غصہ ختم ہوگیا ہے۔

رواں سال مارچ میں بیٹی ‘نور جہاں‘ کی پیدائش کے بعد سے ہی اداکارہ زارا نور عباس ایک منفرد شخصیت کی مالک خاتون کے طور پر نظر آرہی ہیں۔

اپنی پریگننسی سے لے کر بیٹی کی پیدائش تک زارا نے اپنے سوشل میڈیا اکاؤنٹس کے ذریعے پہلی مرتبہ ماں بننے والی خواتین سے لیکر والدین بننے کے بعد ہونے والی مشکلات پر کھل کر بات کی ہے۔

بیٹی کی پیدائش کے بعد زارا نور عباس کی کام پر واپسی

صارفین کی جانب سے زارا کے بولڈ لک پر تنقید کا سلسلہ جاری

حال ہی میں ایک تازہ انٹرویو  کے دوران  زارا نے  نور جہاں کی پیدائش کے بعد اپنے رویے میں ہونے والی تبدیلیوں پر بات کرتے ہوئے کہا کہ ‘ماں بننے کے بعد مجھ میں رحم دلی اور ہمدردی کے جذبات کافی زیادہ بڑھ گئے ہیں  صرف یہی نہیں اپنی بیٹی کے جنم کے بعد اب میں اپنی والدہ  کی پہلے سے زیادہ قدر کرنے لگی ہوں۔

زارا  نے بحیثیت والدین  بچوں کی تربیت  کرنے کے بارے میں بھی  اپنے خیالات کا اظہار کیا ان کا کہنا تھا کہ  مجھے لگتا ہے کہ بچوں کی اچھی تربیت کے گْر  انسان کو وقت کے ساتھ ساتھ خود ہی آتے ہیں‘۔

چاہتی ہوں میری بیٹی ایک بااخلاق انسان بنے، زارا نور عباس

ماں بننے کے بعد زارا نور میں کیا تبدیلیاں آئیں؟

 جیسے جیسے بچے بڑے ہورہے ہوتے ہیں والدین ان کے مزاج کو سمجھ کر اس حساب سے ان کے لیے بہترین فیصلے کرتے ہیں اسی لیے میں اپنی بیٹی سے کچھ نہیں چاہتی سوائے اس کے کہ میری بیٹی  ایک بااخلاق اور ہمدرد انسان بنے۔
واضح رہے کہ اسد صدیقی اور زارا نور عباس کے ہاں 27 مارچ کو پہلی بیٹی کی پیدائش ہوئی تھی۔ جس کی اطلاع انہوں نے سوشل میڈیا پوسٹ کے ذریعے اپنے مداحوں کو دی تھی۔