اگر آپ بھی واٹس ایپ پر ویڈیوز ریکارڈ کرتے تو ذرا رکیے! کیونکہ یہاں ہم آپکو ایک ایسی خبر سے آگاہ کرنے والے ہیں جسے سن کر آپ کے بھی ہوش اڑ جائیں گے۔

انسٹنٹ میسجنگ ایپلیکیشن واٹس ایپ  ویڈیو ریکارڈنگ سے متعلق ایک نئے فیچر پر کام کررہی ہے جوکہ صارفین کیلئے واٹس ایپ پر ریکارڈنگ کا عمل آسان بنادے گا۔

جی ہاں ویب بیٹا انفو کے مطابق واٹس ایپ اپنے صارفین کیلئے ایک زوم کنٹرول فیچر پر کام کررہا ہے جو آئی او ایس 24.9.10.75 اپ ڈیٹ کے طور پر کیمرے کی خصوصیات کو بہتر بنائے گا۔

واٹس ایپ کا صارفین کے لیے منفرد فیچر

واٹس ایپ صارفین کے لیے بڑی خوشخبری آگئی۔ واٹس ایپ پر بھیجے گئے پیغامات کو تبدیل...

ایپ کا نیا فیچر سہولت کو بہتر بناتے ہوئے صارفین کو اپنے پسندیدہ لمحات کو محفوظ کرنے اور شیئر کرنے میں آسانی فراہم کرے گا، بتایا گیا ہے کہ واٹس ایپ کی نئی اپ ڈیٹ فی الحال بیٹا ٹیسٹرز کے لیے دستیاب ہے۔

نئی اپ ڈیٹ کے تحت صارفین ویڈیو ریکارڈ کرتے ہوئے ایک نئے بٹن کے ساتھ زوم لیول کو آسانی سے تبدیل کرسکتے ہیں، اس سے قبل صارف کو اوپر یا نیچے سوئپ کرکے یا پھر اپنی انگلی کیمرے کے بٹن پر رکھتے ہوئے زوم لیول تبدیل کرنا پڑتا تھا۔

یہ خصوصیت کیمرے کے بٹن کو ہلائے بغیر زوم لیول پر مزید کنٹرول فراہم کرتے ہوئے ایک اچھا شاٹ لینے میں مدد دے گا جس سے صارفین کو بالکل وہی شاٹ لینے میں مدد ملے گی جو وہ چاہے گا۔

نیا فیچر آنے والے دنوں میں مزید صارفین کیلئے دستیاب ہوگا۔