سلمان خان سابقہ گرل فرینڈ کے شوہر وکی کوشل کے معترف

بالی وڈ کے دبنگ اداکار سلمان خان نے اپنی سابقہ گرل فرینڈ ‘کترینہ کیف‘ کے شوہر ‘وکی کوشل‘ کی تعریفوں کے پُل باندھ دیے۔

سلمان خان نے فلم ‘بیڈ نیوز‘ سے جاری ہونے والے معروف پنجابی گلوکار ‘کرن اوجلا‘ کے گانے ‘توبہ توبہ‘ پر کیے جانے والے اداکار ‘وکی کوشل‘ کے زبردست ڈانس کی تعریف کردی۔

حال ہی میں فلم بیڈ نیوز کا تازہ ترین ڈانس ٹریک توبہ توبہ ریلیز کیا گیا۔ ریلیز ہوتے ہی گانے نے سوشل میڈیا پر تہلکہ مچادیا صارفین کی جانب سے گانے کی آفیشل ویڈیو کے کمنٹ سیکشن میں اداکار وکی کوشل کے ڈانس مووز کی تعریفوں کے پُل باندھ دیئے گئے۔

بالی وڈ سے دیگر ستاروں کے ساتھ ساتھ اب اداکار سلمان خان نے بھی فوٹو اینڈ ویڈیو شیئرنگ ایپ انسٹاگرام کا رُخ کرتے ہوئے ‘وکی کوشل‘ کیلئے تعریفی کلمات کہہ ڈالے۔

سلمان خان نے انسٹاگرام پر جاری اپنی اسٹوری میں اداکار وکی کوشل کو مینشن کرکے ان کے ڈانس کی تعریف کرتے ہوئے کہا کہ ‘وکی آپ نے گانے میں کمال کا ڈانس کیا ہے جس کی وجہ سے گانا بہترین لگ رہا ہے فلم کی کامیابی کے لیے میری طرف سے آپ کو بہت ساری نیک دعائیں‘۔

اپنے انسٹاگرام پر صرف کسی خاص وجہ سے پوسٹنگ کرنے والے اداکار ‘سلمان خان‘ عام طور پر انسٹاگرام پر کسی قسم کی اسٹوری یا پوسٹ شیئر نہیں کرتے تاہم کافی عرصے بعد سلمان خان کی جانب سے انسٹاگرام پر لگائی جانے والی وکی کوشل کیلئے ‘ایپ ریسیئیشن پوسٹ‘ تیزی سے وائرل ہورہی ہے جس میں مداح سلمان خان کی فراغ دلی کی تعریف کرتے نظر آرہے ہیں۔

واضح رہے کہ سلمان خان سے پہلے معروف اداکار ریتیک روشن بھی وکی کوشل کے ڈانس کی تعریف کر چکے ہیں۔